Loading

Friday, November 4, 2011

ராமதாஸ் vs வேல்முருகன்


பல பக்கம் தாவும் கட்சிதான் "பாமக" என்பது நாடறிந்த விஷயம்.அப்படிப்பட்ட கட்சிக்குள்தான் உட்கட்சி பூசல் கிளம்பியிருக்கிறது .சட்டமன்ற படுதோல்வி,உள்ளாட்சி தேர்தலில் வீழ்ச்சி என படுபாதாளத்தில் கட்சி இருக்கும்நேரத்தில் வேல்முருகன் உட்பட மூன்று எம்எல்ஏக்கள் தலைமைக்கு எதிராக தனி ஆவர்த்தனம் நடத்த கிளம்பியிருப்பது ராமாதாசுக்கு தலைவலியை ஏற்ப்படுத்தியிருக்கிறது !
திராவிட கட்சிகளை போன்றே ,தலைமையின் குடும்ப உறுப்பினர்கள் மட்டுமே வளர வேண்டுமென்பதில் பாமகவும் தெளிவாக இருக்கிறது .வேல்முருகன் எம்எல்ஏ தனக்கென்று ஒரு தனிப்பட்ட செல்வாக்கை வளர்க்க ஆரம்பித்திருப்பதால் வந்த பிரச்சினைதான் இது .

தன்னை வளர்க்கவும் ,தன் மகனை டெல்லியில் வளர்த்தெடுக்கவும் அவருக்கு வாய்த்த ஜாதி என்ற துருப்புசீட்டை நம்பி இருபது வருடத்தை  ஏற்ற கட்சியை இறக்கங்களுடன் நடத்திவந்த ராமதாசுக்கு இப்போது வந்திருக்கிற சோதனை சத்திய சோதனைதான் !

பொதுக்கூட்டத்தில் ராமதாஸ் பேசுகிறார் என்றால் ,அவர் பேச்சில் அதிகாரியை அடி ,பத்திரிக்கையை எரி, அரசு அலுவலகங்களை பூட்டு என்ற வரிகளை கேட்க்காமல் இருக்க முடியாது ,அப்படிப்பட்ட தலைவனின் பேச்சை கேட்டு வளர்ந்த பாமகவின் எம்எல்ஏக்கள், ராமதாசுக்கே எதிராக கிளம்பியிருப்பதில் ஆச்சர்யமில்லை .

வேல்முருகன் தன பங்கிற்கு ,ராமதாசிற்கு எதிராக சிடி ஒன்ற ஆதாரமாக வைத்திருப்பதாக ஒரு அதிரடி அறிக்கையை அளித்திருக்கிறார் .அதோடு இல்லாமல் அதிமுக ,திமுகவிலும் நண்பர்கள் இருக்கிறார்கள் என்று ஒரு பிட்டை முன்பே சாமர்த்தியாக தெரிவித்துவிட்டார் .ராமதாசை நம்பி இன்னுமா அவரிடம் கூட்டம் இருக்கிறது ? என்ற மக்கள் யோசிக்கும் முன்னே ,வேல்முருகனும் தன பங்குக்கு  சில அல்ல்லக்கைகளை இழுத்திருப்பது ஆச்சர்யத்தை ஏற்ப்படுத்தியிருக்கிறது.!

ஆறு மாதம் "போட்டி பாமக" என்ற ஒரு லெட்டர்பேட் கட்சியை வைத்திருந்துவிட்டு ,(இந்த மடம் இல்லைனா சந்தை மடம் என்பது போல) திமுக அல்லது ஆதிமுக என்ற கட்சியில் வேல்முருகன் ஒட்டிகொள்வார் என்பதை முழுமையாக மறுப்பதற்கில்லை.

அதுவரை இவர்களின், பொழுதுபோக்கு சண்டையை ,பார்த்து மகிழவேண்டியதுதான் பாக்கி !

1 comment:

  1. Data Entry வேலைகள் பணம் செலுத்தாமல் இலவசமாக கிடைக்கிறது !

    http://bestaffiliatejobs.blogspot.com/2011/07/earn-money-online-by-data-entry-jobs.html

    ReplyDelete

விமர்சனங்கள் வரவேற்கப்படுகிறது

பிரபலமான பதிவுகள்