FORREST GUMP (மிகச்சிறந்த ஹாலிவுட் திரைக்காவியம் )

இன்று, வாழ்க்கையை அதன் போக்கிலே வாழ்வதற்கு இங்கே எத்தனை பேர் தயாராய் இருப்பார்கள் ?
அப்படி நாம் தயாராக இருந்தாலும்,நம்முடைய குடும்ப வட்டம்,நம்மை அப்படி வாழ அனுமாதிப்பார்களா ?
உங்கள் நண்பர்களின் வருங்காலக் கனவுகளுக்கு ஏதேனும் உதவி செய்திருக்கிறீர்களா?
இல்லை வாழ்க்கையில் பல அடிகள் வாங்கிய முன்னாள்  காதலியை எந்தவித சங்கோஜம் இல்லாமல் ஏற்று இருக்கிறீர்களா  ?
ஒருக்கால்
இவைகள் அனைத்தையும்  நம் மனநிலை செய்ய அனுமதித்தாலும்,நம்முடைய வாழ்க்கைச் சூழ்நிலை நம்மை  ஒருபோதும் செய்ய
அனுமதிப்பதில்லை.இந்தப் படத்தின் கதாநாயகன்(FORREST) எந்தவித குழப்பமும் இல்லாமல் எப்படி பல விசயங்களை
கடக்கிறான் என்பதை ஃபாரஸ்ட்கம்ப் திரைப்படம் நமக்கு மிகஇயல்பாக புரியவைக்கிறது.
மிகுந்த தன்னம்பிக்கையூட்டும் பட வரிசைகளில் "ஃபாரஸ்ட் கம்ப்" மிக முக்கிய இடம் வகிக்கிறது.




சரி ஃபாரஸ்ட்கம்ப் திரைப்படத்தின் திரைக்கதையை பார்க்கலாம்.

ஃபாரஸ்ட் கம்ப் (நாயகனின் பெயர்')பேருந்திற்காக பஸ்ஸ்டாப்பில் காத்திருக்கிறார்.அவருக்கு பக்கத்தில் அமர்ந்திருக்கும் ஒரு
பெண்மணியிடம் பேச்சுவாக்கில் தன்னுடைய வாழ்க்கையில் நடந்தவைகளை ஒவ்வொன்றாக சொல்கிறார்.
ஃபாரஸ்ட் தன்னுடைய இளவயதில் இயல்பாக நடக்கமுடியாத நிலையில் இருக்கிறார்.. இதனால் சிறுவன் ஃபாரஸ்டை
வழமையான ஸ்கூலில் சேர்க்க அவரின் அம்மா தன்னையே பள்ளி மேலாளரிடம் கொடுத்துத்தான் சேர்க்க
முடிகிறது. முதலில் ஃபாரஸ்ட்டுக்கு யாருமே பள்ளி வாகனத்தில் அமர இடம்தர மறுக்கிறார்கள்.பின் ஜென்னி என்ற
சிறுமி இடம் தருகிறாள்.அதன் பின் ஜென்னியும்,ஃபாரஸ்ட்டும் சிறந்த நண்பர்களாகிறார்கள்.
ஒரு சமயம் பள்ளிச் சிறுவர்கள் ஃபாரஸ்ட்'டை கல்லால் அடிக்கிறார்கள்,இதைப் பார்த்த ஜென்னி  ஃபாரஸ்ட்டை
ஓடச்சொல்கிறாள்.ஒழுங்காக நடக்கமுடியாத ஃபாரஸ்ட் ,காலை இழுத்துக்கொண்டே ஓடமுயற்சிக்கிறான்,
பின் மெதுமெதுவாக வேகத்தை கூட்டி தன்னால் மற்றவர்களைப் போல ஓடமுடியும் என்பதை
உணர்கிறான்.

ஃபாரஸ்ட்டின் கதையை கேட்டுக்கொண்டிருக்கும் பெண்மணிக்கு பேருந்து வந்துவிட அவர் கிளம்பிவிடுகிறார்.பின்
மற்றொருவரிடம் கதையை தொடர்கிறான் நாயகன் ஃபாரஸ்ட்.

பள்ளிக்காலம் முடிந்து ஃபாரஸ்ட்டும் ,ஜென்னியும் கல்லூரிக்கு செல்கிறார்கள்.இப்போதும் ஃபாரஸ்ட்டை சில 

இளைஞர்கள் கல்லால் அடிக்க முற்பட,ஜென்னி ஃபாரஸ்ட்டை ஓடச்சொல்கிறாள்.ஃபாரஸ்ட்டும் ஓடத்துவங்குகிறான்.

பல தூரம் ஓடி,ரக்பி விளையாடும் மைதானத்திற்குள் ஓடுகிறான்,அவனின் ஓட்டத்தை கவனிக்கும்

ரக்பி கோச், ஃபாரஸ்டை  விளையாட்டில் சேர்த்துக்கொள்கிறார்.அதிலும் ஃபாரஸ்ட் கல்லூரிக்காலம் முழுவதும் 

ஜொலிக்கிறார்.

கல்லூரிப் படிப்பு முடித்த ஃபாரஸ்ட்டுக்கு ராணுவத்தில் சேர அழைப்பு.ராணுவ முகாமுக்கு செல்கிறான்.ராணுவ வண்டியிலும் 

ஃபாரஸ்ட்டுக்கு இடம் தர மறுக்கிறார்கள்,பின் ஒருவர் இடம்தருகிறார்.அவர் பெயர் பாபா.இருவரும் வியட்நாம் போருக்கு 

அமெரிக்க ராணுவப் படையுடன் சேர்ந்து செல்கிறார்கள்.பாபாவும் ஃபாரஸ்ட்டும் சிறந்த நண்பர்களாகிறார்கள்.ராணுவப் 

பணி முடிந்தவுடன் பெரிய அளவில் மீன்வியாபாரம் செய்யப் போவதாய் பாபா ஃபாரஸ்ட்டிடம் சொல்லி வைக்கிறான்,நீயும் கூட

பார்ட்னராக சேரலாமென ஃபாரஸ்ட்டிடம் கூறுகிறான்.

வியட்நாம் போர்ப்படையில் ஃபாரஸ்ட் ,பாபா இருக்கும் அணிக்கு லெப்டினன்ட் டேன் தான் சீனியர் ஆபிசர்.அவர் சொல்வதைக்

கேட்டுத்தான் வீரர்கள் செயல்படுகிறார்கள்.ஒரு கட்டத்தில் எதிரணி விமானம் லெப்டினன் டேனின் குழுவை தாக்க, 

அதில் பல பேர் காயமடைகிறார்கள்.லெப்டினன் டேன் தன்னுடைய இரு கால்களையும் இழந்துவிடுகிறார்.

ஃபாரஸ்ட்டின்  நண்பன் பாபா இறந்துவிடுகிறான்.

இறந்திருந்தால் எனக்கும் பேர் கிடைத்திருக்கும்,இப்படி இரு கால்களை இழந்தும் தன்னை ஏன் காப்பாற்றினாய் என ஃபாரஸ்ட்டிடம் லெப்டினன்ட் டேன் 

சத்தம்போடுகிறார்.பின் லெப்டினன் டேனை பணியில் இருந்து ராணுவம் விடுவிக்கிறது.

இந்த ரெண்டு விசயத்திலும் ஃபாரஸ்ட்டுக்கு வருத்தம் இருந்தாலும்,ராணுவ முகாமில் விருப்பு,வெறுப்புகளை 

காட்டக்கூடாதென லெப்டினன்ட் டேன் முன்பு கூறியிருந்ததால் அதையே கடைபிடிக்கிறான்

ஓய்வு கிடைக்கும்போது 

ராணுவமுகாமில் நாயகன் ஃபாரஸ்ட் டேபிள்டென்னிஸ் கற்றுக்கொள்கிறார்.பின் அதிலும் 

சிறப்பாக விளையாடி அனைவரையும் வியப்பில் ஆழ்த்துகிறார்.

சில மாதங்களில் ஃபாரஸ்டின் ராணுவப் பணி முடிவுக்கு வருகிறது.

வீட்டிற்கு திரும்பிவரும் ஃபாரஸ்ட்டை அவரின் அம்மா,டேபிள் டென்னிஸ்

போட்டியில் ஜொலிக்குமாறு சொல்கிறார்.ஆனால் ஃபாரஸ்ட் தன்னுடைய நண்பனின்

கனவான மீன்வியாபாரத்தை நடத்த முடிவெடுக்கிறார்.

இதனிடையே தன்னுடைய  ஆரம்ப காலத் தோழியான ஜென்னியை கிளப்பில் பாடகியாக பார்க்கிறார்.

பல பேர் அவளை சீண்டுவதை பார்த்து கோபமடைகிறார் 

தன்னுடன் வந்துவிடுமாறு ஜென்னியை அழைக்கிறான் ஃபாரஸ்ட்.பலவித குழப்ப நிலையில் 

இருக்கும் ஜென்னி அதை மறுத்து,தனக்கு நிறைய வேலை இருப்பதாக கூறுகிறாள் . 

இந்தநேரத்தில் லெப்டினன்ட் டேன்னை எதேச்சையாக சந்திக்கிறான் ஃபாரஸ்ட்.அவருடன் 

கொஞ்ச நாட்கள் தங்கும் ஃபாரஸ்ட்,தான் மீன் வியாபாரம் செய்யப்போவதாய் சொல்கிறான்.

இதைக் கேட்டு சிரிக்கிறார்' லெப்டினன்ட் டேன்.எதைப்பற்றியும் கவலைப்படாமல்

மீன்பிடி தொழிலில் இறங்குகிறான்.லெப்டினன்ட் டேன்னும் உதவிக்கு வருகிறார்.

அதிலும் படிப்படியாக முன்னேறும் ஃபாரஸ்ட் ,நகரத்திலேயே பெரிய

மீன்வியாபார கம்பெனியாய் கொடிகட்டி பறக்கிறார்.

அதில் வரும் வருமானத்தில் பாதியை இறந்த நண்பன் பாபாவின் வீட்டிற்கு தந்துவிடுகிறான்.

லெப்டினன்ட் டேன்,தன்னை வியட்நாம் போரில் காப்பாற்றியதற்கு ஃபாரஸ்ட்டிற்கு இப்போது நன்றி தெரிவிக்கிறார்.

ஒருநாள் ஃபாரஸ்ட்டின் அம்மாவுக்கு உடல்நிலை சரியில்லாத தகவலைக் கண்டு வீட்டிற்கு வாருகிறான்.

ஃபாரஸ்டின் அம்மா ,தான் மனநிறைவாக இருப்பதாக கூறுகிறாள்.பிறிதொரு நாளில்

ஃபாரஸ்ட்டின் அம்மா இறந்துவிடுகிறாள். ஃபாரஸ்ட்டின் வீடு இப்போது

வெறுமையாக காட்சி அளிக்கிறது.

இந்நிலையில் ஜென்னியின் வாழ்க்கை மிகவும் கவலைக்குரியதாக இருக்கிறது,போதைப்பொருளுக்கு

வேறு அடிமையாக மாறிப் போயிருக்கிறாள்.

ஃபாரஸ்ட் அவளை வீட்டிற்கு அழைத்துச் செல்கிறான்.மிக நீண்ட நாட்களாக தூக்க கலக்கத்தில்

இருக்கும் ஜென்னி,ஃபாரஸ்ட்டின் வீட்டில் ஓய்வு எடுக்கிறாள்.

இறுதியில் ஃபாரஸ்ட்  ஜென்னியிடம் திருமணம் செய்துகொள்ளலாமா என 

கேட்கிறான்.ஜென்னியோ நான் உனக்கு ஒத்துவரமாட்டேன் என விரக்தியுடன் கூறுகிறாள்.

அன்றைய இரவில் ஃபாரஸ்ட்டின் ரூமிற்கு வரும் ஜென்னி,ஃபாரஸ்டுடன்

உறவு வைத்துக்கொள்கிறாள்.

மறுநாள் அவசர அவசரமாக ஜென்னி வீட்டை விட்டு கிளம்பிவிடுகிறாள்.இதனால் 

பெரும் மனச் சுமையில் இருக்கும் ஃபாரஸ்ட், திடிரென ஓடக் கிள்ளம்புகிறான்.

ஒருநாளல்ல ஒரு வாரமல்ல,மூன்று வருடமாக அமெரிக்கா முழுவதும் ஃபாரஸ்ட்

ஓடுகிறான்.இதன் மூலமும் அமேரிக்கா முழுவதும் பிரபலமடைகிறான்.

டிவிசெய்தி மூலம் ஜென்னியும் அறிந்துகொள்கிறாள்.பின் ஃபாரஸ்டிற்கு

கடிதமெழுதி அவளின் இருப்பிடத்திற்கு வரச்சொல்கிறாள்.

அதற்காகத்தான் பஸ்ஸ்டாப்பில் காத்திருப்பதாக,தன்னுடைய கதையை கேட்கும்

பாட்டியிடம் ஃபாரஸ்ட் கூறி விடைபெறுகிறான்.ஜென்னியை சந்திக்கும்

ஃபாரஸ்ட்,அவளுக்கு பையன் இருப்பதை அறிந்துகொள்கிறான்.அது 

நம்முடைய மகன்தான் என ஃபாரஸ்டிடம் கூறுகிறாள் ஜென்னி.

இந்தமுறை ஜென்னியே,திருமணம் செய்துகொள்ளலாமா என கேட்கிறாள்.\

சந்தோஷமாக சம்மதம் சொல்லும் ஃபாரஸ்ட்,திருமணம் செய்துகொள்கிறான்.

திருமணத்திற்கு வருகை புரியும்,லெப்டினன்ட் டேன்,செயற்கைகால் பொருத்தியிருப்பதை

மிக ஆச்சர்யமாக கேட்கிறான் ஃபாரஸ்ட்.

நாட்கள் ஓடுகிறது.ஜென்னிக்கு உடல்நிலை சரியில்லாமல் இறக்கிறாள்.

முதன்முறையாக ஜென்னியின் கல்லறை முன் அழுகிறான் ஃபாரஸ்ட்.

அம்மா,ராணுவ வீரன் பாபா,லெப்டினன்ட் டேன் அத்தனை பேரையும்

விட ஜென்னிதான் என் வாழ்க்கையில் முக்கியமானவள் என்பதை 

நினைவுகூறும் ஃபாரஸ்ட்,தன்னுடைய மகனை ஸ்கூல் வேனில் 

அனுப்புவதற்காக காத்திருக்கிறான்.

"ஃபாரஸ்ட்டின் காலுக்கு கீழே இருக்கும் ஒரு இறகு,காற்றில் பல திசைகளில் பறப்பதுடன் "நிறைவுபெறுகிறது.

திரைப்படத்தின் மொத்த கருவையும் அந்த ஒற்றை இறகு அழகாக உணர்த்திவிடுகிறது.

ஃபாரஸ்ட் தன் வாழ்க்கையை பற்றி குறிப்பிடும்போது

அன்றைய நேர அரசியல் சூழ்நிலையையும் \

அவ்வப்போது நினைவு படுத்துகிறார்.

அமெரிக்க அதிபர்களை தான் சந்தித்ததை எந்தப் பெருமையிமின்றி 

ஃபாரஸ்ட் கூறுவதை ,பேருந்திற்காக நிற்கும் பயணிகள் 

ஆச்சர்யத்துடன் பார்க்கிறார்கள்.எந்தவிதப் தற்புகழ்ச்சி 

இல்லாமல் ,தன்னுடைய சுய வாழ்க்கை குறிப்பை 

ஃபாரஸ்ட் சொல்வதுதான் இந்தப் படத்தின் மிக முக்கியமான அம்சமாக கருதப்படுகிறது.

மிகச் சிறந்த படமாக கருதப்படும் ஃபாரஸ்ட்கம்ப்,பை

விடுமுறை நாளில் அமைதியான சூழ்நிலையில் பாருங்கள்.

உங்கள் வாழ்க்கையில் மறக்கமுடியாத தருணங்களில் 

இந்தப் படமும் இடம்பிடிக்கக்கூடிய வாய்ப்பு அதிகமாக இருக்கிறது.

இந்த திரைப்படத்தை சுருக்கமாக சொல்ல நான் முயன்றாலும்,

நாயகன் ஃபாரஸ்டின் வாழ்க்கையைப் போலவே 

இந்தப் பதிவையும் அதன் போக்கிலே விட்டுவிட்டேன்.

ஃபாரஸ்ட் கம்ப்பின் முக்கிய கதாபாத்திரங்களான

1)ஃபாரஸ்ட் கம்ப்

2)ஜென்னி

3)ஃபாரஸ்டின் நண்பன் பாபா 

4)லெப்டினன்ட் டேன் 

ஆகியோரை பற்றிய குறிப்புகளையும்,சில நுணுக்கமான காட்சிகளை பற்றியும்  இன்னொரு பதிவில் எழுதவேண்டியிருக்கிறது.

நேரம் கிடைத்தால் எழுதுகிறேன்,நன்றி !

இயக்குனர் :ராபர்ட் ஜெமிக்க்ஸ்

இசை  :ஆலன் சில்வெஸ்ட்ரி

நடிகர் :டாம் ஹாங்க்ஸ் மற்றும் பலர்

ஒளிப்பதிவு:டான் பர்கஸ்

UNLEASHED (ஆக்சன் சினிமா )

அடிமை போல வளர்க்கப்பட்ட ஒருவன் ,அடிமைத்தனத்திலிருந்து வெளியே வரும் ஆக்சன் கதை இந்த UNLEASHED

பாப் ஹிஸ்கின் என்ற கந்துவட்டிக் கும்பல் தலைவன்,வசூல் செய்வதற்காக அடியாள் ஒருவனை சிறுவயதிலிருந்தே (டேனி)
நாயை போல் கட்டி வைத்து வளர்க்கிறான் .யார் பணத்தை திருப்பி தராமல் இருக்கிறார்களோ ,அவர்கள் மீது
இவனை விட்டு அடிக்கச் சொல்கிறான்.டேனிக்கு அடிப்பதை தவிர வேறு எதுவுமே தெரியவில்லை.ஒரு சமயத்தில்,கந்துவட்டி தலைவனை
எதிராளிகள் அடிக்கும்போதும்,அவனுக்கான கட்டளை வரவில்லை என்பதால் ,அடிக்காமல் இருக்கிறான் .இதைக் கண்டிக்கும்
கந்துவட்டி தலைவன் (பாப் ஹிஸ்கின்) அவனை திட்டுகிறான் .

இதனிடையே வசூல் செய்யும் இடத்தில் ,பியானோ கற்றுத்தரும் பெரியவரை சந்திக்கிறான்,அவனுக்கு பியானோ மேல்
ஆசைவருகிறது,அந்தப் பெரியவரும் அவனுக்கு பியானோ கற்றுத்தர ஆசைப்படுகிறார்.கந்துவட்டிக் கும்பலின் அட்டகாசத்தால்,எதிராளிகள்
அவர்களை காரோடு வைத்து சுடுகிறார்கள்.அதிலிருந்து தப்பிக்கும் டேனி ,பியானோ கற்றுத்தரும் பெரியவரிடம் அடைக்கலம் ஆகிறான்.
பெரியவரின் வீட்டில் ,பெரியவரின் வளர்ப்பு மகளான விக்டோரியாவை சந்திக்கிறான்,விக்டோரியா  அவனுக்கு எல்லாவற்றையும்
சொல்லிக்கொடுக்கிறாள்.

இதனிடையே ஷாப்பிங் செல்லும் டேனி,கந்துவட்டிக் கும்பல் ஆட்களின் பிடியில் சிக்கிக்கொள்கிறான்.விருப்பமே இல்லாமல் செல்லும்,அவனுடைய தாயாரை
பற்றி கந்துவட்டிக் கும்பல் தலைவனிடம் கேட்கிறான்.அவனுடைய தாய் ஒரு விபச்சாரி என்று பொய் சொல்லி ,அவனை அடைக்கிறான்.மீண்டும் டேனியை வைத்து
அடிதடி சண்டையில் விட்டு ,பணம் பார்க்கிறார்கள்.இது பிடிக்காத டேனி,அங்கிருந்து தப்பி ,மீண்டும் பியானோ விற்கும் பெரியவரிடம் போகிறான்

அவருடன் சேர்ந்து ,அவனின் அம்மாவைப் பற்றி விசாரிக்கிறான்.அப்போதுதான் அவனுடைய அம்மா விபச்சாரி இல்லை ,பியானோ டீச்சர் என்பதை
அறிந்துகொள்கிறான்.அவனுடைய அம்மாவை கொன்றது ,கந்துவட்டிக்கும்பல் தலைவன்தான் என்பதை அறிந்துகொள்கிறான்.கந்துவட்டித் தலைவனின் ஆட்களும்
டேனியைத் தேடி வர ..அவர்களிடம் இருந்து எப்படி மீள்கிறான் என்பதை சண்டைக்காட்சிகளை இறைத்து சொல்லியிருக்கிறார்கள்.

பாதி நேரம் ஆக்சனாகவும்,மற்றொரு பாதி டிராமாவாகவும் படத்தை எடுத்திருக்கிறார்கள்.விக்டோரியா டேனிக்கு சாப்பிட
சொல்லிக்கொடுக்கும் காட்சி ரசிக்க வைக்கிறது .தமிழ் டப்பிங்கிலும் இந்தப் படம் வந்திருக்கிறது.டாரன்ட்டில் தேடி பார்த்துக்கொள்ளலாம்.ஆக்ஷனில் அசத்தும்
டேனிக்கு எதுவுமே தெரியாமல் ,தலையை கவிழ்த்துகொள்ளும் கதாபாத்திரத்தில் இயல்பாக நடித்திருகிறார்.

UNLEASHED - ஒரு முறை பார்க்கலாம்

LOCKOUT (பிரெஞ்ச் ஆக்சன் திரைப்படம்!)

விலாவரியாக சொல்ல நேரம் வாய்க்காததால் சுருக்கமாக சொல்ல முயல்கிறேன்!

கதை 2079ம் ஆண்டு நடக்கிறது .கொடும் குற்றவாளிகளை விண்வெளியில் கூடம் அமைத்து.
ஒவ்வொரு குற்றவாளிகளையும் தனிமைப்படுத்தி வைத்திருக்கிறார்கள்.இதுசம்பந்தமாக அமெரிக்க பிரெசிடென்டின்
மகள்,விண்வெளி சிறைக்கூடத்திற்கு வந்து ,சிறைக்கைதியிடம் இந்த புதியமுறையை பற்றி விசாரிக்க முயல்கிறார்.
எதிர்பாராதவிதமாக சிறைக்கைதி ,அங்குள்ள அதிகாரிகளை சுட்டு,அமெரிக்க பிரெசிடென்டின் மகளையும்,அங்குள்ள அதிகாரிகளையும்
பிணைக்கைதியாக வைத்துக்கொள்கிறார்கள்.

பிரெசிடென்டின் மகளை காப்பாற்ற வேண்டி ,பூமியில் உள்ள அதிகாரிகள் முயற்சிக்கிறார்கள்.அதற்காக ஸ்நோ(அமெரிக்காவை உளவு பார்த்ததாக குற்றம்சாட்டப்பட்ட ) என்ற
ஒருவனை விண்வெளிக்கு அனுப்புகிறார்கள்.ஸ்நோவுக்கும் அங்கே போனால்,அவன் மேல் விழுந்த பழியை துடைக்கலாம் என்பதால்
கிளம்புகிறான் ..அதன் பிறகு என்ன ஆனது என்பதை ஆக்சன் கலந்து சொல்லியிருக்கிறார்கள்.பிரெசிடென்டின் மகளாக வரும் நடிகையும்(எமிலி)
தன் பங்கை சிறப்பாக செய்திருக்கிறார்.தன்னை மட்டும் காப்பாற்றினால் போதுமென நினைக்காமல்,
அங்கு வேலை செய்யும் அமெரிக்கவாசிகளையும் காப்பாற்ற சொல்லி கேட்டு,மனிதாபிமானத்தை வெளிப்படுத்துகிறார்

படத்தில் இடை இடையே பஞ்ச் டயலாக் போன்ற வசனங்களை ஆங்காங்கே தூவியிருக்கிறார்கள்.கேமேராவின் கோணங்கள் சுவாரசியப்படுத்துகிறது .வில்லன்களின் (சிறைக்கைதிகள்)அண்ணன்,தம்பி
பாசப்பிணைப்பும் படத்தில் மெலிதாக காட்டப்படுகிறது.ஒவ்வொரு பிணைக்கைதிகளை தம்பிக்காரன் சுடும்போது,அதை கண்டிக்கும் அண்ணன் ,
அவனை எதுவும் செய்ய மனம் வராமல் தவிக்கிறான்.பிரெஞ்சு பட இயக்குனர்கள்,தமிழ் சினிமாவை பார்க்கிறார்களோ என்ற சந்தேகம் வருவதை
தவிர்க்க முடியவில்லை.

லாக்அவுட் - ஆக்சன் பொழுதுபோக்கு!

WOMEN IN BLACK (ஹாலிவுட் விமர்சனம் )

திகில் பட வரிசைகளில் மற்றுமொரு படம் !கருப்பு கவுன் ஆவிப்பெண்ணை தூரமாக காட்டி ,
பின் கொஞ்சம் கொஞ்சமாக அருகே சென்று நம்மை பயமுறுத்தும் கான்செப்ட்தான் படத்தின் 
முக்கிய அம்சம் !


பத்தொன்பதாம் நூற்றாண்டில் கதை தொடங்குகிறது
மூன்று குழந்தைகள் விளையாடிக்கொண்டிருக்கையில் ,திடிரென ஒரு சத்தம் கேட்கிறது ,அதன் பின் அந்த மூன்று
குழந்தைகளும் சுயநினைவிழந்து ஜன்னலை திறந்து தற்கொலை செய்துகொள்கிறார்கள் ..இந்த சம்பவத்தால் ,அங்கே
ஒரு கெட்ட விஷயம் அங்கு இருப்பதாக செய்திகள் வெளியாகின்றன .நிறைய குழந்தைகள் அந்த ஆவியால்
கொல்லப்பட்டு இருக்கிறார்கள் என்ற செய்தி பரவுகிறது .இதைப் பற்றி அறிய நம் ஹீரோ
அங்கு செல்கிறார் ..அவர் அந்த ஆவியைப் பிடித்தாரா ?இல்லையா ?என்பதே WOMEN IN BLACK திரைப்படத்தின்
கதை !

திகில் படங்களில் ,நமக்கு திகிலைத் தருவதே மனதை கலங்கடிக்கும் பின்னணி இசைதான் .அந்த வகையில்
படத்தில் சில மர்மமான காட்சிகளை காட்டும்போது ,இசையால் மிரட்டுகிறார்கள் .கதாநாயகன் வேறு யாருமல்ல ,
நம் ஹாரிபாட்டர் ஹீரோ (டேனியல்)தான் இதில் நடித்திருக்கிறார் ..இது போன்ற திகில் படங்கள் அவருக்கு அல்வா சாப்பிடுவது
போல் !பையன் ரொம்ப இயல்பா நடிச்சிருக்கார் .
அந்த இருட்டு பங்களாவில் தங்கும்போது ,அந்த ஆவி ,டேனியலின் பக்கத்திலயே உலா வருவது
,பொம்மைகளை ஆடவிட்டு பார்ப்பவர்களை பயம் கொள்ளச்செய்வதென ஓரளவுக்கு திகிலை கூட்ட
மெனக்கெட்டு இருக்கிறார்கள் .கேமேரா கோணங்கள் இன்னும் மர்மத்தை
அதிகப்படுத்துகிறது .

women in black - விடாது கருப்பு !

HUGO (ஆஸ்கார் விருது வென்ற காவியம் )

ஐந்து விருதுகளை அள்ளிய ஹுகோ திரைப்படத்தை நெடுநாட்களுக்குப் பிறகு இன்றுதான் காண
நேர்ந்தது .விஷுவல் காட்சிகள் ,மற்றும் படத்தொகுப்பில் கலக்கி எடுத்திருக்கிறார்கள் ஹுகோ படக்குழுவினர் .
இப்போதெல்லாம் ஒரு டிராமா கான்செப்ப்டில் படமெடுத்து ரசிகர்களை கவர்வது மிகவும் சிரமமான காரியம் .
அதையெல்லாம் உடைத்து சாமானியர்களை கவரும் விதத்தில் ஹுகோ அமைந்திருக்கிறது .

சிறுவயதிலேயே தாயை இழந்த ஹுகோ ,தன் தந்தையுடன் வாழ்ந்து வருகிறான் .ஹுகோவின் தந்தை
கடிகாரம் செய்து கொடுக்கும் வேலையை செய்கிறார் .அப்படி வேலை செய்துகொண்டிருக்கும் போது ,எதிர்பாராத
தீ விபத்தில் உயிரிழக்கிறார் .இதையடுத்து ஹுகோவை உறவினர் ஒருவர் ,அவர் வேலை செய்யும் ரயில்வே நிலையத்தில் ,
கடிகார கூண்டில் உள்ள ரூமில் வைத்துக்கொள்கிறார் .சில நாட்களில் அவரும் காணாமல் போகிறார் .இதனால் யாருடைய
ஆதரவும் இல்லாமல் ரயில்வே நிலையத்திலேயே வாழ்ந்து வருகிறான்.அவனது அப்பா பரிசாக கொடுத்த ,ஒரு மெக்கானிக்
மிஷினை ரிப்பேர் செய்து ஓடவைக்க முயற்சி செய்கிறான் .அந்த மெஷினுக்கான சாவி (இதய வடிவிலான சாவி )மட்டும் தேவை என்ற நிலை
ஏற்படுகிறது .

இதனிடையே ஹுகோ ,கையில் போதிய பணமில்லாததால் உணவுகளை திருடி உண்பதை ,ரயில்வே நிலையத்தில்
வியாபாரம் பார்க்கும் ஒரு பெரியவர் கண்டுபிடித்து அவன் கையில் வைத்திருக்கும் புத்தகத்தை பிடுங்கிக் கொள்கிறார் .
அதை திரும்ப வாங்குவதற்காக ,அந்த பெரியவரின் வீட்டுக்கு வருகிறான் அந்த சிறுவன் .அங்கு இசபெல்லா என்ற
சிறுபெண்ணை பார்த்து ,தன் விஷயத்தை சொல்கிறான் .நான் புத்தகத்தை  வாங்கித்தருகிறேன் என்று உறுதிகூறுகிறாள்.
இதன்மூலம் இருவரும் நண்பர்களாகிறார்கள். தன்  அப்பா ,அடிக்கடி தன்னை சினிமாவுக்கு கூட்டிப்போவார் என்பதை
சொல்கிறான் ஹுகோ .இசபெல்லாவுக்கோ படமே பார்க்கக்கூடாது என்று  லில்லியின் தாத்தா கட்டளையிட்டிருக்கிறார் .
இதனால் இருவரும் படத்தை யாருக்கும் தெரியாமல்  பார்க்கச் செல்கிறார்கள் .இதனிடையே லில்லியின் கழுத்தில் ,அந்த இதய வடிவிலான சாவியைப்
பார்க்கிறான் ஹுகோ .அந்த சாவியை வைத்து ,அந்த மெஷினை இயக்குகிறான்.அந்த மெஷின் ஒரு படத்தை வரைந்து ,
படத்தின் கிழே ஒரு சினிமா  இயக்குனரின் பெயரை எழுதுகிறது .

ஹுகோவுக்கு ஆர்வம் ஏற்பட்டு ,இசபெல்லாவின்  பாட்டியிடம் அதை கேட்கிறான் .லில்லியின் பாட்டி ,ஆரம்பத்தில் பயந்து ஹுகோவை
கண்டிக்கிறாள் .இதனால ,ஹுகோவும் ,லில்லியும் நூலகத்திற்கு சென்று அந்த இயக்குனரைப் பற்றிய குறிப்புகளை
தேடுகிறார்கள் .ஒரு புத்தகத்தை  பார்த்துக்கொண்டிருக்கும் ,அந்த புத்தகத்தை எழுதிய ஒருவர் ,அவரைப் பற்றிய விபரங்களை
கூறுகிற போது ,ஹுகோவும் ,லில்லியும் ஆச்சர்யமடைகிறார்கள்.அந்த இயக்குனர் வேறு யாறுமல்ல ,ரயில்வே நிலையத்தில் வியாபாரம்
பார்க்கும் பெரியவர்தான் ,அதாவது இசபெல்லாவின் தாத்தா !அதுவுமில்லாமல் ,ஹுகோ வைத்திருக்கும்
அந்த மெக்கானிக் மெஷினையும் இசபெல்லாவின் தாத்தாதான் உருவாக்கினார் என்ற தகவல் தெரிகிறது .

ஒரு இயக்குனராக இருந்து ,பின் ஏன் தனிமையில் ஒதுங்கினார் என்பதை  பின்பாதியில் சொல்கிறார்கள் .இதுதான் ஹுகோ
படத்தின் திரைக்கதை .காட்சிப்படுத்துதலை வெகு சிறப்பபாக கையாண்டிருக்கும் இயக்குனருக்கு இது முதல் படமென்பது
ஆச்சர்யம்தான் .

அது போல ஒளிப்பதிவு இந்தப் படத்தில் முக்கிய பங்காற்றி இருக்கிறது ,ஒரே காட்சியை .பல ஆங்கிளில்
காட்டுகிற ஒன்று பிரமிக்கத்தக்கது .இந்த படத்தில் மற்றொரு முக்கிய கதாபாத்திரம் ,ரயில்வே இன்ஸ்பெக்டராக வரும்
நபர்தான் .அவர் முதலாம் உலகப்போரில் கலந்துகொண்டதால் ஒரு கால் ஊனமாக இருந்தாலும் ,அவர் சிறு குழந்தைகளை
தனியாக கண்டாலே ,கடுப்புடன் ,அவர்களை அனாதை ஆசிரமத்தில் கொண்டு சேர்த்துவிடுகிறார்.நம் ஹுகோவும் அடிக்கடி
மாட்டிக்கொண்டு பின் ஒருவழியாக தப்பிக்கிறார்.அந்த ரயில்வேஇன்ஸ்பெக்டருக்கும் ,அங்கு பூ விற்கும் ஒரு பெண்ணின்
மீது காதல் ,ஆனால் அவரின் முரட்டு சுபாவம் காதலுக்கு ஒத்து வராமல் தடுமாறும் எக்ஸ்ப்ரெஸன் அபாரம் .துறு துறு
சுட்டிப்பையன் ஹுகோவின் இயல்பான நடிப்பு கதையுடன் ஒன்றச் செய்கிறது .

பத்தொன்பதாம் நூற்றாண்டின் காலத்தில் நடைபெறும் கதை என்பதால் ,நுணுக்கமாக ஒவ்வொரு
விசயத்தையும் பார்த்து பார்த்து செய்திருக்கிறார்கள் .கலை நேர்த்தியில் இந்த திரைப்படம் ஒரு மைல் கல்...கடைசியில் ஹுகொவின்
அபார அறிவு நுணுக்கத்தைக் கண்டு ,அந்த பெரியவரே தன்னுடன் வைத்துக்கொள்வதோடு படம் நிறைவுபெறுகிறது .நாவலை
படமாக எடுத்திருப்பதால்  திரைக்கதையில் கொஞ்சம்  தொய்வு ஏற்படுவது தவிர்க்கமுடியாதது.

ஹுகோ -அழகான படைப்பு !

MISSION IMPOSSIBLE 4 (அட்டகாச ஆக்சன் சினிமா')

ஒரு இரண்டரை மணி நேரம் கிடைத்தால் ,நாம் உடனே யோசிக்கத் தோன்றுவது ,ஒரு நல்ல பொழுதுபோக்கு
சினிமாவைத்தான்.. நம்மை யோசிக்க வைக்காதவாறு ஆட்டிப் படைக்கும் விறுவிறுப்பு திரைக்கதையுள்ள
திரைப்படத்தைத்தான் அதிகம் எதிர்பார்ப்போம் ,அப்படி உங்களுக்கு நேரம் கிடைத்தால் ,கண்டிப்பாக பார்க்க வேண்டிய படம்தான்
MISSION IMPOSSIBLE 4 !


படத்தின் முதல் அமெரிக்க உளவாளியிடமிருந்து ஒரு ரகசிய கோட் திருடப்படுகிறது .இதனால் அவர்களின்
திட்டம் அம்போவென பாதியில் நிற்கிறது ..அந்த ரகசிய கோட் டை திரும்ப பெற்றுக்கொள்வதற்காக டாம்கிருஸ்சை
ரஷிய ஜெயிலில் இருந்து கொண்டுவருகிறார்கள் ..
அந்த ரகசிய குறியீட்டால் ,அணு ஆயுதத்தை எதிரிகள் ஏவப்போவதாக டாம்கிருஸ் குழு தெரிந்துகொள்கிறது ..
அதை தடுக்க ஒவ்வொரு முறை முயற்சிக்கும்போதும் நிறைய தடங்கல்கள் ஏற்படுகிறது ,இறுதியில் எதிரிகளின்
திட்டத்தை டாம்க்ரூஸ் ஏஜன்ட் குழு முறியடித்ததா என்பதே மிஷன்இம்பாசிபில் திரைபடத்தின் கதை ..

ஜெட் வேகத்தில் பயணிக்கும் திரைக்கதையில் நம்மையறியாமல் அந்த கதைக்குள் ஈடுப்பாட்டுடன்
பயணிக்க முடிகிறது ..டாம் க்ரூஸ்ஸின் வெயிட் மட்டும் கொஞ்சம் கூடியிருக்கிறது ..மற்றபடி ஆக்சன் காட்சிகளில்
அதே பழைய வேகம்தான் .பெரும்பான்மையான காட்சிகளில் ,தொழில்நுட்ப யுக்தியை நிறைய பயன்படுத்தியிருக்கிறார்கள் ..
என்னைப் போன்ற சராசரி தமிழனுக்கு ஆச்சர்யத்தையையும்

துபாயின் மிக உயர கட்டிடத்தில் டாம்க்ரூஸ் ஏறும்போது  அச்சத்தையும் ஏற்படுத்துகிறது ..

கண்களில் மாட்டும் லென்ஸ் மூலம் ஸ்கேன் பண்ணும் டெக்னாலஜி நடைமுறையில் சாத்தியமா என்பது தெரியவில்லை ..

அதிலும் அந்த லென்ஸ் மூலம் பிரின்ட்அவுட் எடுத்துக் கொடுப்பது எல்லாம் டூமச்சாக தெரிந்தாலும் ,கதையின் போக்குக்கு

இந்த லாஜிக் இல்லா காட்சிகள் நன்றாகவே உதவுகிறது .டாம்க்ரூஸ்ஸின் குழுவில் உள்ள மூன்று பேரும்

ஒவ்வொரு பொறுப்பை எடுத்துக்கொள்வது வழக்கமான ,தவிர்க்கமுடியாத அம்சமாகிறது .

அணில்கபூர் கிளைமாக்ஸ் சீனில் சின்ன ரோலில் நடித்திருக்கிறார் .ஒரு ரஷிய கட்டடத்தை வெடி வைத்து 

தவிர்க்கும் எதிரியின் பிளானிங் பிரம்மாண்டம் .

மொத்தத்தில் ,யோசிக்காமல் பார்க்கவேண்டிய பொழுதுபோக்கு டமாக்காதான் இந்த மிஷன் இம்பாசிபில் 4  !

THE DARKEST HOUR (ஹாலிவுட் விமர்சனம் )

திடீரென மர்மமான ஜந்துக்கள் ,விண்வெளியிலிருந்து இறங்கி நம்மை தாக்கினால் எப்படியிருக்கும் ?
என்ற கற்பனையை வைத்து உருவாக்கப்பட்டதுதான் இந்த DARKEST HOUR திரைப்படம் .

ஒன்றரை மணிநேர விறுவிறுப்பு திரைப்படத்தை உருவாக்கிய விதத்தில் DARKEST HOUR
ஓகே ரகம்தான் .இனி சுருக்கமான திரைக்கதையை பார்க்கலாம் ..

அமெரிக்காவிலிருந்து ரஷ்யாவுக்கு சுற்றுலா வந்த இரு பெண்கள் ,ஒரு பிராஜக்ட் விசயமாக வரும் இரண்டு
பையன்கள் ,இவர்களுக்கு  ரஷ்யாவின் மொழி ,வழி என எதுவுமே தெரியாமல் இருக்கிற நேரத்தில் விண்வெளியிலிருந்து
வேற்று கிரக ஜந்துக்கள் இறங்கி ஒட்டுமொத்த மக்களையும் பஸ்மமாக்குகிற நேரத்தில் உயிரை கையில் பிடித்து ஒரு
ரூமில் தங்குகிறார்கள் .ஐந்து நாட்களுக்குப் பிறகு ,இதற்கு மேல் ரூமில் அடைந்து கிடக்க முடியாதென முடிவெடுத்து
வெளியே வருகிறார்கள் .ஜந்துக்கள் இன்னும் ரஷ்யாவை விட்டுப் போகவில்லை என்பதை உணர்ந்து ,வேறுவழியில்லாமல்
அதை எதிர்க்க துணிகிறார்கள் .இறுதியில் அதை எதிர்த்து வெற்றி கண்டார்களா என்பதே THE DARKEST HOURன் திரைக்கதை .

இப்படிப்பட்ட இக்கட்டான சூழ்நிலையில் அடிப்படை அறிவியல் அறிவு வேண்டுமென்பதை ஓரளவுக்கு இந்த படத்தில்
புரிய வைக்கிறார்கள் .பல முனைகளிலிருந்து தாக்கினால் எவ்வளவு பலமுள்ள எதிரியும் காலிதான்
என்ற ரீதியில் வேற்றுகிரக ஜந்துக்களை விரட்டியடிக்கும் பாணி தமிழ் சினிமாவை பார்த்து எடுக்கப்பட்டதோ என எண்ணத்தோன்றுகிறது

இந்த நால்வருடன் சில ரஷ்ய ஆட்களும் இடையில் சேர்ந்து எதிர்த்து போராடும்போது ,ரஷ்யர்கள் தன்னுடைய நாட்டை
மீட்டாக வேண்டுமென டயலாக் அடிப்பது நன்றாகவே எடுபடுகிறது .கிராபிக்ஸ் யுக்திகள் ஏற்கனவே பார்த்து
பழக்கப்பட்டதுதான் என்றாலும் ,வேற்று கிரக வாசிகள் பூமியில் உள்ள உயிர்களை தேடித் தேடி கொல்லும் பாணி புதியதுதான் .பின்னணி இசை மிரட்டும்
பாணியில் உள்ளதால் ,படத்தில் ஆர்வத்துடன் ஒன்ற முடிகிறது .

THE DARKEST HOUR _ த்ரில்லர்  பொழுதுபோக்கு !

ocean's thirteen (ஹாலிவுட் சினிமா )

ஒசென்ஸ் 11,ஒசென்ஸ் 12 ஆகிய படங்களின் வரிசைப் பட்டியலில் கடைசிப் படம்தான் ஒசென்ஸ் 13.
கொள்ளைச் சம்பவங்கள் இடம்பெற்ற படங்களை சீரியஸ் தன்மையில் பார்த்து ,பழக்கப்பெற்ற நமக்கு,
நகைச்சுவை கலந்து ,லாஜிக் மீறாமல் ஒசென்ஸ் 13 படத்தை எடுத்திருப்பது ஒரு புதிய பாணிதான் .
இனி கதையின் சுருக்கம் ....

ரியுபனின் இடத்தை  ,வலுக்கட்டாயமாக ஏமாற்றி வாங்குகிறார் வில்லி பேங்க்.அங்கு  பெரிய சூதாட்ட விடுதியை  கட்டுகிறார் வில்லிபேங்க்.
 இதனால் ரியுபன்  நெஞ்சுவலியால் பாதிக்கப்பட்டு பெட்ரெஸ்டில் இருக்கிறார் .அவரின் சிஷ்யர்களான ஜார்ஜ்க்லூனி, மற்றும்
பிராட் பிட் குழுவினர் ,ரியுபன் ஏமாற்றபட்டதற்கு பழிவாங்க ,அந்த சூதாட்ட விடுதியை கொள்ளை அடிக்க
முடிவெடுக்கிறார்கள் .
அதன்பின் ஒவ்வொருவரும் ,அந்த ஹோட்டலின் ஒவ்வொரு பிரிவையும் நோட்டமிட்டு ,விஷயத்தை சேகரிக்கிறார்கள்.
இதனிடையே ,கொள்ளை அடிக்கும் பிளானில் ,பூகம்ப அதிர்வை உண்டாக்கக்கூடிய மிஷின் சொதப்ப, வேறு  மிஷின் வாங்க
பணம் தேவைப்படுகிறது .பெனடிக்ட் என்பவர் பணம் தர,ஒரு கண்டிஷனுடன்  முன்வருகிறார் .சூதாட்ட விடுதியில் ,உள்ள
நான்கு வைர நெக்லஸ்களை ,எடுத்து வரவேண்டுமென கண்டிஷன் போடுகிறார் .ஜார்ஜ்க்லூனி குழுவினர் ஒருவழியாக சம்மதிக்கிறார் .

அதன் பின் ..ஒவ்வொருவராக விடுதிக்குள் சென்று செய்யும் அட்டகாசங்கள்தான் படத்தின் மிகப் பெரிய பிளஸ் காட்சிகள் .
வில்லி பேங்கின் ஸ்டெனோவை கரெக்ட் செய்யும் காட்ச்சியில் ,மேட்டேமென் செய்யும் வித்தை காமெடி  ரகம். சூதாட்ட டைஸ்கள்
தயாரிக்கும் இடத்தில் ,ஜார்ஜ்க்லூனி ஆட்கள்  ,கெமிக்கல் கலவையை கலந்து , டைஸ்களை தங்களுக்கு ஏற்ப தாயாரித்து  ,சூதாட்ட விடுதியில்
செய்யும் ஜிம்மிக்ஸ் அட்டகாசம்தான் .

கடைசியில் வில்லிபேங்க் ,ஒன்றும் செய்வதறியாமல் நிற்க.... கண்முன்னே அத்தனையையும் சுருட்டிக்கொண்டு கிளம்புகிறார்கள் சூதாட்டகுழுவினர் .
படத்தில் பதிமூன்று பேரும் ,ஒவ்வொரு பகுதியில் இருந்து செய்யும் தொழில்நுட்ப ஹாக்கிங்..நம்மை வியக்கவைக்கிறது .கொள்ளையர்களின் படங்களை ,அமெரிக்க போலீசார் கண்டுபிடித்து ,வில்லிபேங்க்குக்கு
ஈமெயில் அனுப்பும்போது ,அதையும் வழிமறித்து புகைப்படங்களை மாற்றும் யுக்தி நடைமுறையில் சாத்தியமா என்பது தெரியவில்லை .காமெடி ,த்ரில்லர் ,ரொமான்ஸ்
என்று அத்தனையையும் ,சரிவிகிதத்தில் கலந்து தந்த இயக்குனர் ,ஸ்டீவனின் திறமையை வெளிப்படுத்துகிறது இந்த ஒசென்ஸ் 13.

The double 2011(ஹாலிவுட் சினிமா )

உளவாளிகளை பற்றிய விறுவிறுப்பான திரைப்படம்தான் இந்த டபுள்ஸ் !துப்பறியும் பாணியில் கதையை
செலுத்திய விதம் கொஞ்சம் ஆவலைத் தருகிறது .இனி கதையை பாப்போம் ..

அமெரிக்க செனட்டர், ஒருவரை கழுத்தை அறுத்து கொலை செய்கிறான் ஒருவன் .அந்த கேஸை விசாரிக்க 

ஓய்வு பெற்ற பால் என்ற அதிகாரியை அழைக்கிறார்கள் .அவருக்குத் துணையாக பென் என்ற இளம் அதிகாரியையும் 

நியமிக்கிறார்கள் .கொலையை செய்தவன் ரஷ்ய உளவாளிதான் என்ற கண்ணோட்டத்துடன் விசாரிக்கிறார்கள் .

கழுத்தை கம்பியால் அறுத்து கொலை செய்பவன் பெயர் கேசியஸ் என்பதை தெரிந்துகொள்கிறார்கள்.இதனிடையே 

இவர்கள் விசாரிக்கும் ஒவ்வொரு நபரையும் ,பால் தன் கைகடிகாரத்தின் கம்பியின் மூலம் கொலை செய்கிறார் .

இளம் அதிகாரி பென்னுக்கு கொஞ்சம் சந்தேகம் வருகிறது .இதை தெரிந்துகொண்ட பால் .பென்னின் மனைவியிடம் 

இந்த கேஸில் இருந்து பென்னை விலகுமாறு சொல்கிறார் . இன்னொரு ரஷ்ய உளவாளி போலோவ்ஸ்கி உளவு வேலையாக 

அமெரிக்காவுக்கு வந்திருக்கிறார் என்ற செய்தி வருகிறது. 

இதை சாதகமாக பயன்படுத்தும் பால் , போலோவ்ஸ்கிதான் நாம் தேடும் கேசியஸ் என்ற கொலையாளியாக 

இருக்கலாம் என்று தகவலை சொல்கிறார் .ஆனால் பென் இந்த கண்ணோட்டத்தில் விசாரிக்காமல் ,பாலின் பூர்விகத்தை அலசுகிறார் 

இறுதியில் பால்தான் அந்த கேசியஸ் என்று கண்டுபிடிக்கிறார் . அதே சமயத்தில் பால் ,பென்னை பற்றி ஒரு உண்மையை

கண்டுபிடிக்கிறார் ..அது என்ன ?  என்பதை நீங்களே பார்த்து தெரிந்துகொள்ளுங்கள் .

ரிச்சர்ட் கேரி ,மற்றும் டிராபர் கிரேஸ் ஆகிய இருவரும் தன் பங்கை சிறப்பாய் செய்திருக்கிறார்கள் .

கேசியஸ் என்ற கொலையாளியை முன்கூட்டியே நமக்கு சொல்லிவிடுவது கதையை 

எளிதில் புரிந்துகொள்ளும்படியாக இருக்கிறது .அந்த கதாபாத்திரத்தையும் சஸ்பென்சாக வைத்திருந்தால் ,கதையின் 

வேகம் இன்னும் கூடியிருக்கும் .உளவாளிகளின் வாழ்க்கையில் தனி நபர் பழிவாங்கலை பற்றி 

சொல்லும் இந்த திரைப்படம் ,கொஞ்சமே கொஞ்சம் சுவாரஸ்யம்தான் .

wrath of the titans 2012 (ஹாலிவுட் சினிமா )

தமிழ்நாட்டில் ,அவதார் படத்திற்கு பின்பு ,3டி படங்களுக்கு நல்ல வரவேற்பு கிடைக்கிறது .
மற்ற விட படங்களை 3டி குவாலிட்டி படங்கள் ,எவ்வளவு மொக்கையாக இருந்தாலும் ,அதன்
தொழில்நுட்பத்திற்கு நம்மை அறியாமலையே ரசிக்க வைத்து விடுகிறது .அந்த வகையில் மதுரை குரு
தியேட்டரில் wrath of the titans படத்திற்கு நல்ல கூட்டம்தான் .

கிளாஸ் ஆப் தி டைட்டன்ஸ் படத்தின் இரண்டாம் பாகம்தான் இந்த ரேத் ஆப் தி தைட்டன்ஸ் !
படத்தின் ஒன் லைன் . கடவுளின் குழந்தைகளுக்கும் ,தீய சக்திகளுக்கும் நடக்கும் போராட்டம்தான் .இறுதியில்
யார் தற்காலிக வெற்றி பெற்றார்கள் என்பதே படத்தின் மையக்கரு .

சாம் வோர்திங்டன் ஹீரோவாக தன் பங்கை சிறப்பாய் செய்திருக்கிறார் .தன் மகனை காப்பாற்ற ஆரம்பக் காட்சியில்
நெருப்பு பறவையுடன் அவர் மல்லுக்கட்டுவது , ஆர்வத்தை தூண்டுகிறது .இடையிடையே ஹீரோவுக்கு ,உப தெய்வங்கள்
வந்து ,தீய சகதிகளை அழிக்க வழி காட்டுகிறார்கள் .கிராபிக்ஸ் காட்சிகளில் பல விஷயங்கள்
நம் முன்பே பல படங்களில் பார்த்தவையாக இருந்தாலும் .சில விசயங்களை புதிதாக சேர்த்திருக்கிறார்கள் .
குறிப்பாக ,ஒற்றை கண் ராட்சச மனிதன்கள்,மற்றும் ஹீரோவின்  பறக்கும்  குதிரை மூலம் கொஞ்சம் ஆச்சர்யத்தை தருகிறார்கள் .

ஹீரோவுக்கு அப்பாவாக ,பேவரைட் ஸ்டார் லியம்நீசன் நடித்திருக்கிறார் .முதல் பாதியில்,

தீய சக்திகளிடம் சிக்கி  அடக்கி வாசிக்கும் 

அவர் ,இடைவேளைக்குப் பின் புகுந்து விளையாடுகிறார் .மனுஷன் வயசான கேரக்டர்ல நடிச்சாலும் 

தூள் பறத்துகிறார்  .மகாராணியாக  ஹீரோயினை காண்பித்து ,ஹீரோவின் வீர தீர சாகசங்களுக்கு துணை நிற்கிறார் 

கடைசி காட்சியில் வரும் லிப்கிஸ் சீனில் மட்டுமே நம் கண்களில் ஹீரோயின் நிற்கிறார் .மொத்தத்தில் 

அரதப் பழசான கதையை ,புதிய காட்சிகளை மட்டும் சேர்த்து ,3டி தொழில்நுட்பத்துடன் வெளியிட்டு இருக்கிறார்கள் .

அந்த 3டிக்காக வேண்டுமானால் ,ஒரு முறை பார்க்கலாம் .

Seeking justice (ஹாலிவுட் சினிமா விமர்சனம் )

நிகோலஸ்கேஜ் மற்றும் பல நட்சத்திரங்கள் நடித்த திரைப்படம் !பல முடிச்சுகளோடு கதையை நகர்த்திய
விதத்தில் seeking justice கவனத்தை ஈர்க்கிறது !

நிகோலஸ் கேஜ் ஒரு ஸ்கூல் டீச்சர் ,அவருக்கு ஒரு அழகான மனைவி !இருவரும் சந்தோசமாக வாழ்க்கையை நடத்தி 

கொண்டிருக்க ,துரதிஷ்டவசமாக நிகோலஸின் மனைவியை ஒருவன் கற்பழித்து காயப்படுத்துகிறான் .

மனைவியை மருத்துவமனையில் பார்த்து ஆத்திரப்படும் நிகோலசை ,சைமன் என்பவன் சந்தித்து 

உன் மனைவியை கற்பழித்தவனை தண்டிக்க வேண்டுமா என கேட்க்கிறான் ,முதலில் தயங்கும் நிகோலஸ் 

பிறகு சம்மதிக்கிறான் !

சைமன் சொன்னபடியே,நிகோலஸ் மனைவியை  கற்பழித்தவன் மறுநாள் காலை கொலையாகி கிடக்கிறான் .

ஆறு மாதம் கழித்து ,நிகோலஸுக்கு ஒரு போன் கால் வருகிறது .சைமன் பேசுகிறான் .தனக்கு ஒரு உதவி செய்ய வேண்டுமென .

நிகொலஸுக்கு சைமனை பிடிக்காவிட்டாலும் ,தன் மனைவியை கற்பழித்தவனை கொன்றதற்கு உதவி புரிந்ததால் 

சம்மதித்து ,என்ன உதவி வேண்டுமென சைமனிடம் கேட்கிறான் நிகோலஸ் .

சைமன் ,ஒரு கொலையை செய்ய வேண்டுமென நிகோலஸுக்கு கட்டளையிடுகிறான் .அதை மறுக்கும் நிகோலஸ் 

சைமனை திட்டி அனுப்புகிறார் .இருந்தும் சைமன் ,தொடர்ந்து நிகோலஸ்சை நச்சரித்துக்கொண்டே இருக்கிறார் .இதனால் 

மனம் வெறுத்துப் போன நிலையில் ,கொலையை செய்ய அரை மனதுடன் சம்மதிக்கிறார் .கொலை செய்ய வேண்டிய நபரின் 

போட்டோவையும் ,அவர் செய்த செக்ஸ் குற்றங்களையும் ,ஒரு கவரில் கொடுத்து அனுப்புகிறான் சைமன் .

சைமன் சொன்ன இடத்திற்கு வருகிறான் நிகோலஸ் . தான் கொலை செய்யப்போகும்  நபரிடம் பேசிப்பார்க்கலாம் 

என நிகோலஸ் முயற்சிக்கும்போதே ,நிகோலஸ்சை தாக்க முயற்சிக்கிறான் .தாக்குதலில் இருந்து தப்பிக்க நிகோலஸ் முயற்சிக்கையில் 

தாக்கியவன் பாலத்தில் இருந்து விழுந்து மரணமடைகிறான் .

இதைக்கண்டு பயந்து போன நிகோலஸ் ,வேகமாக வீட்டிற்கு வருகிறான் .வீட்டிற்கு வந்த ,அடுத்த மணிநேரத்தில் 

போலீஸ் நிகோலஸ்சை கைது செய்கிறது . நிகோலஸ் கொலை செய்யவில்லையென வாதிடுகிறார் .

எந்தப் போலிசும் நம்பத் தயாராக இல்லை .இறுதியில் ஒரு காவல்துறை அதிகாரி ,நிகோலஸ்சை ஓடச்சொல்கிறார் .

அவர் சொன்னபடியே அங்கிருந்து தப்பித்து , சைமன் யார் ? அவனின் உண்மையான நோக்கம் என்ன என்பதை கண்டுபிடிக்க 

நிகோலஸ் எடுக்கும் முயற்சியே இந்த "சீக்கிங் ஜஸ்டிஸ் " திரைப்படத்தின் கதையாகும் .

பல வருடத்திற்கு முன்பு பார்த்த ,நிகோலஸ் இன்னும் அதே இளமையுடன் இருப்பது ஆச்சர்யம் அளிக்கிறது .நடுத்தர தமிழ் சினிமா ஹீரோக்கள் எல்லாம் 

பத்து வருடம் கழித்து ,தொப்பையுடன் காட்ச்சியளிக்கையில் ,நிகோலஸ் மட்டும் ,அதே உடலமைப்புடன் இருப்பது ,ஆச்சர்யத்தை 

அளிக்கிறது .நிகோலஸ்சிற்கு இந்த மாதிரி படங்கள் அழகாக பொருந்துகிறது .அவருடைய மனைவியாக வருபவரும் ,தன்னுடையை 

பங்களிப்பை சிறப்பாக செய்திருக்கிறார் .

கார் சேசிங் காட்சி ஒன்றில் ,கேமேராவின் மெனக்கெடல் நன்றாக தெரிகிறது .வழமையாக வரும் ஹாலிவுட் சினிமா ,கிளைமாக்ஸ் 

டச் ,இந்த படத்திலும் நன்றாக வொர்க் அவுட் ஆகியிருக்கிறது .

seeking justice - தேட முயற்சித்து இருக்கிறது 

Immortals (ஹாலிவுட் சினிமா )

இந்த சரித்திரகால ஆக்சன் படங்கள் ,எப்பவுமே வரவேற்பை பெறுபவை .அதன் நேர்த்திக்காகவே அந்த படங்களை ரசித்துவிட்டு வரலாம் .
அப்படி ரசித்த படம்தான் immortal.

கதை ரொம்ப சின்னதுதான் .தீயசக்திகளுக்கும் ,நல்ல சக்திகளுக்கும் இடையே நடக்கும் போராட்டம் என்பதே கதையின் ஒன்லைன்.

இந்த ஒன்லைன் டெவலப் செய்த விதத்தில் ,மிகத் திறமையாகவே திரைக்கதையை அமைத்து இருக்கிறார்கள்.

இனி கதையின் சுருக்கம் .

ஹைபீரியன் என்ற அரக்க வீரர்கள் , எபிரஸ் அம்பு என்ற புனித அம்பை தேடி அலைகிறார்கள் .அந்த அம்பை கைப்பற்றிவிட்டால் 

உலகை ஆளலாம் என்ற எண்ணம் தான் முதன்மையான காரணம் .அந்த புனித அம்பை எடுப்பதற்காக ,ரகசியம் தெரிந்த மதகுருக்களை இம்சிக்கிறார்கள்.

அம்பு இருப்பதாக சொல்லப்படும் இடங்களில் உள்ள மக்களையெல்லாம் துன்புறுத்துகிறார்கள். அதில் ஹீரோவின் குடும்பமும் பாதிக்கப்படுகிறது.நிறைய இளைஞர்கள்

எதிர்த்து போராட முன்வருகிறார்கள் .ஹீரோ அதை தன் தாய்க்காக மறுக்கிறார். இருந்தும் ,அரக்க எதிரிப்படை ,அவர்கள் வசிக்கும் இடத்திற்கு வந்து

அத்தனை பேரையும் வெட்டிச் சாய்க்கிறார்கள் ,அதில் நாயகனின் அம்மாவும் ஒன்று .இதை சகிக்கமுடியாத ஹீரோ ,அவர்களை எதிர்த்து ஒற்றை ஆளாக 

சண்டையிட்டு சரண் அடைகிறார்.

இவரைப் போலவே ,அங்கு நிறைய பேரை சிறைப்படுத்தி அடிமைகளாக வைத்து இருக்கிறார்கள். அங்கு கதையின் நாயகி 

Freida Pinto

(வருவதை முன்கூட்டியே கணிக்கும் தெய்வப்பிறவி )

உதவி செய்து ,நாயகனுடன் சேர்ந்து தப்பிக்கிறார்கள் . ஒரு கட்டத்தில் அந்த புனிதஅம்பை நாயகன் கைப்பற்றுகிறார் .இருந்தும் ஒரு அசம்பாவித சூழ்நிலையில் 

அம்பை எதிரிப்படையிடம் தவறவிடுகிறார். அரக்க வீரர்கள் போருக்கு தயாராகிறார்கள் . இந்த அரக்க வீரர்களை எதிர்த்து போரிட ,முன்னமே இளைஞர்கள் படை தயாராக இருக்க 

அதில் நம் ஹீரோவை இணைத்துக்கொள்கிரார்கள். இறுதியில் எந்த சக்தி ஜெயித்தது என்பதை ,சிறப்பாகவே சொல்லியிருக்கிறார்கள் .

கலை நேர்த்திதான் எனக்கு இந்த திரைப்படத்தில் எனக்கு மிகவும் பிடித்த விஷயம் .கதையின் காலம் கிறிஸ்து பிறப்பதற்கு முன் என்பதால் ,அந்த காலத்தில்

மலைகளை குடைந்து வாழ்ந்திருக்கிறார்கள் என்ற உண்மையை நேர்த்தியுடன் செய்து இருக்கிறார்கள் . இந்த திரைப்படத்திற்கு பின்னணி இசை அவ்வளவு தேவை இல்லையென்றாலும்

ஸ்பெசல் எபெக்ட்ஸ் நன்றாக எடுபடுகிறது .

இம்மார்டல் -ஆக்சன் ரசிகர்கள் விரும்பிப் பார்க்கிற படமாக அமைந்து இருக்கிறது !

IN TIME (2011)ஹாலிவுட் விமர்சனம்

இந்த திரைப்படத்தை பார்த்தபோது ,சாகுற நாள் தெரிஞ்சா வாழுற நாள் நரகமாயிடும்னு ,எழுத்தாளர் சுஜாதா சொன்னதுதான் நியாபகம் வருது .

சுத்தி வளைக்காம ,கதைய பார்த்துடலாம் ..

ஒவ்வொரு மனிதனுக்கும் ,25 வருஷம் மட்டுமே வாழ அனுமதிக்கப்படுகிறது .இந்த 25 வருட
கணக்கை ,ஓவ்வோருவரின் மனிக்கட்டிலும் சுட்டிகாட்டப்பட்டிருக்கும் .மேற்கொண்டு வாழ ஆசைபட்டால் ,வேலைகள் செய்தோ ,மற்றவர்களிடம்
கடன் வாங்கியோ உங்கள் வாழ்நாள் நேரத்தை கூட்டிக்கொள்ளலாம் .இப்படித்தான் ஹீரோவும்,அவனின் அம்மாவும் ,
வாழ்நாளை கூட்டிக்கொள்ள வேலை பார்க்கிறார்கள் ..

இதனிடையே 100 வருடத்திற்கு ஆயுளை வைத்திருக்கும் ஒருவனை ,வில்லன் கூட்டம் (மற்றவர்களின் நேரத்தை ,மிரட்டி
வாங்கிக்கொள்ளும் கூட்டம் ) பிடிக்க ,அவர்களிடமிருந்து ஹீரோ அவனை காப்பாற்றுகிறார். அதிர்ஷ்டவசமாக ,அந்த நூறு வருட ஆயுள்
நேரத்தையும் ஹீரோவிடமே கொடுத்துவிட்டு தற்கொலை செய்துகொள்கிறார்..,இப்போது ஹீரோவை அந்த வில்லன் கூட்டம் துரத்துகிறது.

ஹீரோவுக்கு கிடைத்த நூறு வருட ஆயுளில் ,சரிபாதியை அவரின் அம்மாவுக்கு கொடுக்க நினைக்கிறார்,ஆனால் துரதிஷ்டவசமாக் 

அவரின் அம்மா ,நேரமின்மை காரணமாக இறக்கிறார்.அதன்பிறகு ஹீரோ சீட்டாட்டத்தின் மூலம் மேலும் ஆயிரம் வருடங்களை 

பெற்றுக்கொள்கிறார் .இப்படிப்பட்ட நேரத்தில் ,வில்லன் படை ,ஹீரோவை பிடித்து ஆயிரம் வருட ஆயுளையும் பறித்துக்கொண்டு 

வெறும் ரெண்டுமணிநேரத்தை மட்டும் ஹீரோவுக்கு விட்டுச்செல்கிறார்கள் .அந்த நெருக்கடியான கட்டத்தில் இருந்தது ஹீரோ தன் ஆயுள் நேரத்தை மீட்டாரா  ?எதிரிகளை 

 பழிவாங்கினாரா ?இல்லையா ? என்பதை 

கொஞ்சம் சுவாரஸ்யமாகவே சொல்லியிருக்கிறார்கள் .

இந்த திரைக்கதையின் சுவாரஸ்யம் என்னவென்றால் ,25 வயதிற்கு மேல் யாருடைய வயதும் ஏறுவதில்லை ,வெறும் வருடக்கணக்கை

கையில் பார்த்துக்கொள்ளலாம். ஹீரோவும் 25வயது ,அவரின் அம்மாவும் 25 வயது தோற்றம் உடையவள்.இப்படி திரைப்படம் முழுக்க 

சில வினோத கற்பனைத்திறனை உபயோகப்படுத்தி இருக்கிறார்கள் .சைன்ஸ் பிக்சன் கதையில் ,இந்த திரைப்படமும் ஒரு சுமார் ரகத்தை சேர்ந்த 

வித்தியாசமான படம் .ஒருமுறை பார்க்கலாம் .

STRAW DOGS (2011) சினிமா விமர்சனம்

அன்றாடம் நாம் கேள்விப்படும் பிரச்சினைதான் ,இந்த திரைப்படத்தின் கதை. ஒருவித சஸ்பென்ஸ் கலந்த இந்த திரைப்படத்தின் மூலக் கதை ,நாவலில் இருந்து கையாளப் பட்டிருக்கிறது.
1971ல் எடுத்த திரைப்படத்தை மீண்டும் ரீமேக் செய்திருக்கிறார்கள் .

கதை இதுதான் .

கணவன் ,மனைவி சந்தோஷமாக வாழ்கிறார்கள். மனைவியின் பூர்விக வீட்டிற்கு சென்று கொஞ்ச காலம் தங்கியிருக்க ஆசைப்படுகிறார்கள். அந்த வீட்டின் ஒரு பகுதியை  சீரமைக்க ,அங்குள்ள ஆட்களை  வேலைக்கு அமர்த்துகிறார்கள், வேலைக்கு அமர்த்திய ஆட்களில் ஒருவன் மனைவியின் முன்னாள் காதலன் .

ஆரம்பித்திலிருந்தே ,இந்த முன்னாள் காதலனும் ,அவனுடைய ஆட்களும் ,ஹீரோவின் மனைவி மீது ஒருவித கள்ளப் பார்வையை பார்த்துக் கொண்டே இருக்கிறார்கள்.

ஒருநாள் இந்த வேலையாட்கள் ,ஹீரோவை தாஜா செய்து ,மான் வேட்டைக்கு அழைத்துச் செல்கிறார்கள். அழைத்துச் சென்ற இடத்தில் ,ஹீரோவை தனியாக விட்டுவிட்டு ,காணாமல் போகிறார்கள்.இந்த நேரத்தில் ,முன்னாள் காதலன்,ஹீரோவின் மனைவியை வலுக்கட்டாயமாக அடைகிறான், அடைந்த அடுத்த நிமிடத்தில் ,முன்னாள் காதலனின் கூட்டாளியும் ,ஹீரோவின் மனைவியை வன்புணர்ச்சி செய்கிறான். 

வேட்டையாடிவிட்டு வீடு திரும்பிய ஹீரோவிடம் ,ஹீரோயின் எதுவும் சொல்லாமல் ,நீ ஒரு கோழை என சொல்கிறாள்.

ஹீரோவும் ,இந்த வேலையாட்கள் வந்ததிலிருந்தே பிரச்சினை என எண்ணி ,அவர்களுக்கு அதிக தொகை கொடுத்து ,வேலையை விட்டு அனுப்புகிறான். 

இந்த நேரத்தில் ரக்பி கோச்சின் மகளை ,நீண்ட நாளாக அவளை பின்தொடர்ந்தவன் எதிர்பாராதவிதமாக அவளை கொன்றுவிடுகிறான் .இது தெறியாமல் ஹீரோ ,அவனுக்கு அடைக்கலம் கொடுக்கிறார், இதை தெரிந்துகொண்ட அந்த முன்னாள் காதலன் ,ரக்பி கோச்சிடம் சொல்கிறார். ஆத்திரப்பட ரக்பி கோச் ஹீரோவின் வீட்டை உடைக்க சொல்கிறார்.அதிலிருந்து ஹீரோவும்,ஹீரோயினும்  எப்படி தப்பித்தார்கள் என்பதை பதட்டம் நிறைந்த கிளைமாக்ஸாக சொல்லியிருக்கிறார்கள்.

இந்தத் திரைப்படம் உளவியல் ரீதியாக ,அனைவருக்கும் ஒரு சிறு அதிர்வை உண்டாக்கும். "முடிந்தால் பாருங்கள்".